ბლოგი

ყველა დამწყვები გიტარისტი დამეთანხმება, რომ თითების ტკივილით გამოწვეული დისკომფორტი ძალიან შემაწუხებელი მოცემულობაა. ამ მდგომარეობამ შესაძლოა ინსტრუმენტზე დაკვრის სურვილი და მოტივაცია დაგაკარგვინოს. გგონია, რომ ეს არასდროს დასრულდება. თუმცა მდგომარეობის შემსუბუქება ნამდვილად შესაძლებელია, თუ ქვემოთ ჩამოთვლილ ფუნქტებს გაითვალისწინებ :

1. დაუკარი ცოტა და ყოველდღე

ყველაზე კარგი გადაწყვეტილებაა ყოველდღიურ რეჟიმში 10-15 წუთის განმავლობაში დაკვრა. ეს ერთგვარი ადაპტაცია იქნება შენი თითებისთვის და პროცესი შედარებით ნელი ტემპით, თუმცა უფრო უმტკივნეულოდ ჩაივლის.

2. სწორი განსაზღვრა

მხოლოდ თითები გტკივა? თუ თითების ტკივილს მაჯის და კუნთების ტკივილიც ახლავს, ეს იმაზე მიუთითებს, რომ არასწორ ტექნიკას იყენებ. არ დაატანო იმაზე მეტი ძალა ვიდრე საჭიროა.

3. ესეც გაივლის

თითების ტკივილს დროებითი ხასიათი აქვს და არ საჭიროებს არანაირ მკურნალობას. ყველაზე კარგი წამალი ისევ და ისევ დაკვრაა, რომელიც გაამაგრებს შენს თითებს და რამდენიმე კვირაში ყველანაირი დისკომფორტი წარსულს ჩაბარდება.


4. სიმების სახეობა

ზოგიერთი დამწყები, პირველ ინსტრუმენტად კლასიკურ გიტარას ირჩევს ნეილონის სიმების გამო, რადგან ნეილონი შედარებით რბილია და ნაკლებად იწვევს თითების ტკივილს. თუმცა, რეკომენდაციების მიუხედავად, საბოლოო არჩევანი შენზეა, თუ რომელი გიტარით დაიწყებ სწავლას.

5. იქნებ გიტარაშია პრობლემა?


თუ სიმები და გრიფი ზედმეტად არის ერთმანეთისგან დაშორებული, ნოტის გაჟღერება საგრძნობლად გართულდება რაც მეტ არასწორ ძალისხმევასთან, და რა თქმა უნდა, თითების ტკივილთან არის დაკავშირებული.


მთავარია არ დანებდე! ეს ის გზაა, რომელიც ყველა გიტარისტს გაუვლია. თუ ზემოთ ჩამოთვლილ რჩევებს გაითვალისწინებ, სულ მალე საყვარელი კომპოზიციის შესრულებისას ან საკუთარის შექმნისას, საერთოდ არ გემახსოვრება ის დისკომფორტი, რასაც დაწყებისას განიცდიდი.