ბლოგი

Cremona Musica საერთაშორისო  ფესტივალი 2002 წელს დაარსდა, რომელიც ყოველწლიურად იმართება კრემონაში და ერთ-ერთი ყველაზე მნიშვნელოვანი მოვლენაა მსოფლიო მუსიკის სამყაროში.  

ფესტივალი სამი დღის განმავლობაში მიმდინარეობდა და  ფოკუსირებული იყო მაღალი ხარისხის მუსიკალური ინსტრუმენტების ფართო სპექტრზე, როგორებიცაა: ვიოლინო, ბასი, არფა, გიტარა, მანდოლინა, როიალი, ფლეიტა, კლარნეტი, საქსოფონი, საყვირი და სხვა კლასიკური დასარტყამი ინსტრუმენტები.

ფესტივალი აერთიანებს მუსიკოსებს, ლუტიერებსა და ინდუსტრიაში არსებულ წამყვან პროფესიონალებს. გარდა ხელნაკეთი ინსტრუმენტების გამოფენისა, ადგილზე აქტიურად იმართება მუსიკალური წარმოდგენები და  სხვადასხვა საინტერესო სემინარები.

აღსანიშნავია, რომ თავად კრემონას პროვინცია მე-16 დან მე-18 საუკუნის ჩათვლით განსაკუთრებით გამოირჩეოდა ხარისხიანი ვიოლინოების დამზადებით, რაც ცხადად ანტონიო სტრადივარის სახელს უკავშირდება.

მუსიკის სახლისთვის, როგორც ლიდერი კომპანიისთვის მუსიკალური ინდუსტრიის ბაზარზე,უდიდესი პატივი და გამოცდილება იყო მსგავს ფესტივალზე დასწრება.

შევხვდებით შემდეგ 2025 წლის ფესტივალზე.