ბლოგი

1. The Beatles - Abbey Road
   

როგორც ვიცით The Beatles-ის საბოლოო სტუდიური ნამუშევარი იყო Abbey Road, თუმცა ეს ასე არაა, რადგან Let It Be ერთი წლის განმავლობაში იყო შემოდებული თაროზე და როგორც იქნა 1970 წლის მაისში გამოიცა. ამ დროსJohn Lennon უკვე წასული იყო ჯგუფიდან ხოლო Paul და Ringo სოლო ალბომებზე მუშაობდნენ. Let It Be იყო ბენდის საბოლოო ალბომი.

2.        The Smiths - Strangeways, Here We Come 

მეოთხე სტუდიური ალბომის გამოცემისას ჯგუფი The Smiths უკვე აღარ არსებობდა. მიუხედავად მნიშვნელოვანი კომერციული გეგმებისა, პირადი უთანხმოების გამო ბენდი დაიშალა.

3.        Joy Division – Closer 

ლეგენდარულმა ინგლისურმა ბენდმა, მხოლოდ ორი სტუდიური ალბომის გამოშვება მოასწრო, რომელთა შორის 18 თვიანი ინტერვალი იყო. 1980 წლის ივნისს, როდესაც მათი მეორე სტუდიური ალბომი გამოიცა ბენდის ვოკალისტი Ian Curtis გარდაცვლილი იყო. მან სიცოცხლე თვითმკვლელობით დაასრულა.

4.        David Bowie – Blackstar

სამწუხაროდ, არტისტის ოცდამეხუთე ალბომი აღმოჩნდა მისი უკანასკნელი ნამუშევარი. ალბომი გამოიცა 2016 წლის 8 იანვარს, მუსიკოსის 69-ე დაბადების დღეზე და ორი დღით ადრე მის გარდაცვალებამდე.

5.        Oasis - Dig Out Your Soul 

ვერავინ წარმოიდგენდა, რომ ბენდის მეშვიდე სტუდიური ალბომი საბოლოო აღმოჩნდებოდა. ალბომმა დიდი მოწონება ვერ დაიმსახურა, თუმცა მასში შედის ისეთი სიმღერები როგორებიცაა: The Shock Of The Lightning, Falling Down და I'm Outta Time.

6. Jimi Hendrix - Electric Ladyland

მესამე და ბოლო ალბომი, რომლის ჩაწერაც მკაცრად მიმდინარეობდა თავად Jimi-ს მეთვალყურეობის ქვეშ. ამ ალბომის შემდეგ არტისტმა სოლო კარიერა დაიწყო თუმცა, თავისი ცხოვრების მანძილზე მეტი ალბომი არ ჩაუწერია. Electric Ladyland არის ფსიქოდელიური ჟღერადობის ყველანაირი გამოხატულება რაც კი იმ დროს არსებობდა. ალბომის თავდაპირველი გარეკანი, სადაც 19 შიშველი ქალი იყო გამოსახული ძირითადად ყველგან იკრძალებოდა და არც Jimi-ს მოსწონდა ეს ვიზუალი. არაა გასაკვირი, რომ შემდეგი გამოცემები განსხვავვებული გარეკანით იყო.

7. Jeff Buckley – Grace 

არტისტმა მხოლოდ ერთი ალბომის გამოცემა მოასწრო, სანამ მისი ცხოვრება ტრაგიკულად არ დასრულდებოდა.  Grace - არის საოცარი ნამუშევარი, რომელშიც იდეალურად ჩანს მუსიკოსის ვოკალური შესაძლებლობები.

8. Sex Pistols - Never Mind The Bollocks 

რთული დასაჯერებელია, რომ პანკ როკის პიონერები მხოლოდ ერთი  წლის განმავლობაში მუშაობდნენ აქტიურად სტუდიაში, როდესაც 1976 წლის ნოემბერში გამოსცეს პირველი სინგლი „Anarchy In The UK” და სტუდიური ალბომი 1977 წლის ოქტომბერში. ამის შემდეგ მათი ჩანაწერები მიმდინარეობდა არასრული შემადგენლობით ან მოწვეულ მუსიკოსებთან ერთად.

9. R.E.M. - Collapse Into Now

30 წლიანი კარიერის განმავლობაში ჯგუფმა გამოსცა 15 სტუდიური ალბომი და Collapse into Now იყო მათი საბოლოო ნამუშევარი. ალბომში ასევე არიან მოწვეული მუსიკოსები : Patti Smith, Eddie Vedder და Peaches.

10. The Doors - An American Prayer 

მეცხრე და უკანასკნელი სტუდიური ალბომი, რომელიც გამოიცა Jim Morisson-ის გარდაცვალებიდან 7 წელიწადში. ეს არის მუსიკა, რომელიც შექმნეს ჯგუფის დანარჩენმა წევრებმა Jim morisson-ის წაკითხული და ჩაწერილი ლექსებისთვის.