კატეგორიები
აკუსტიკური გიტარის შერჩევისას, ხშირად ვაწყდებით სხვადასხვა ხის სახელწოდებებს, თუ რომელი გიტარის ნაწილი, რომელი ხისგან არის დამზადებული. ეს ყველაფერი ძალიან საინტერესოა, თუმცა თუ ხის სახეობების ექსპერტი არ ხარ რთული იქნება განსხვავების პოვნა. მოდით გავეცნოთ, რა გავლენა აქვს ხის მასალას, გიტარის ჟღერადობაზე ?
ხეებს, რომლებსაც ძირითადად აკუსტიკური გიტარის წარმოებისთვის იყენებენ, ტონალურ ხეებს უწოდებენ და მათი როლი გიტარის ჟღერადობაში არის უდიდესი. შეიძლება ითქვას, რომ ხის მასალა და მისი სწორად შერჩევა უმთავრესი კომპონენტია ინსტრუმენტის შექმნაში. განსაკუთრებით მნიშვნელოვანი კი, გიტარის კორპუსის ზედა ნაწილია (TOP), რომელიც ყველაზე მნიშვნელოვანი ტონალური ელემენტია.
მაკაგონი (Mahogany)
ამ მყარი ხის სახეობას ახასიათებს, ძლიერი, გამჭოლი ჟღერადობა, ლამაზი დაბალი ობერტონები. თუ გიტარის უკანა და გვერდული ნაწილები (Back & Sides) დამზადებულია მაკაგონის ხისგან, ნიშნავს, რომ ჟღერადობა დაბალ და მაღალ რეგისტრშიც ძალიან მკაფიოა.
ნეკერჩხალი (Maple)
ნეკერჩხალი, ძირითადად გამოიყენება აკუსტიკურ გიტარებში მისი ჟღერადობირივად „გამჭვირვალე“ თვისებების გამო.
სიტხინის ნაძვი (Sitkea Spruce)
ერთ-ერთი ყველაზე პოპულარული ხე გიტარის წარმოებისთვის. იგი ცნობილია თავისი სიმსუბუქითა და მკაფიო, მტკიცე ჟღერადობით.
წითელი ნაძვი (Red Spruce)
აკუსტიკური გიტარა, რომლის კორპუსი დამზადებულია წითელი ნაძვისგან, ერთ-ერთ ყველაზე მოთხოვნად ინსტრუმენტად ითვლება მისი მრავალფეროვანი, მძლავრი და სუფთა ჟღერადობის გამო.
ბრაზილიური პალისანდრი (Brazilian Rosewood)
ეს ხე უზრუნველყოფს, როგორც მძლავრ დაბალ, ამავდროულად სუფთა და მკაფიოდ მაღალ ბგერებს.
ინდური პალისანდრი ( Indian Rosewood)
მსგავსია ბრაზილიური წარმომავლობის პალისანდრის ჟღერადობასთან თუმცა, უფრო შუატონალური ხმოვანებით.
აკაცია კოა (Koa)
კოას ხის ტონალობა, მაკაგონისას ჰგავს. გამოირჩევა სუფთა და მკაფიო ჟღერადობით ამის შემჩნევა განსაკუთრებით მაღალ ტონალობაში შესრულებისას არის შესაძლებელი.
შემოქმედება არის ინდვივდუალური პროცესი, სწორედ ამიტომ არის ასეთი საინტერესო. ჩვენ განვიხილეთ 7 ხის სახეობა თუმცა, ეს არ ნიშნავს იმას, რომ ინსტრუმენტი აუცილებლად ზემოთ ჩამოთვლილი ხის მასალისგან უნდა იყოს დამზადებული. თითოეული ადამიანი ინსტრუმენტს თავისი გემოვნებისა და მოთხოვნილებების შესაბამისად არჩევს და ერთ-ერთი მთავარი კომპონენტი გიტარის ჟღერადობაში, რაც ზემოთ არ გვიხსენებია, ხარ თვითონ შენ, ანუ ადამიანი, რომელიც აჟღერებ ინსტრუმენტს.