კატეგორიები
თუ იცით რატომ იყვნენ რევოლუციამდელი მუსიკოსები ნაკლებად აქტიურები?!
იმიტომ რომ მათ არ ჰქონდათ FENDER-ის გიტარა. ფაქტი ფაქტად რჩება, ფენდერი ბევრად ავსებს და ახალისებს შემოქმედ არტისტებს.
ამერიკაში, კომპანია ფენდერი დამფუძნებლის ლეო ფენდერის სახელს ატარებს. ფენდერმა, მუსიკალური კომპანია 1946 წელს ჩამოაყალიბა და როკის სამშობლოში თავად როკი და სხვა პოპულარული მიმდინარეობები სულ სხვაგვარად ააჟღერა.
აღსანიშნავია, რომ კომპანიის შექმნიდან რამდენიმე წელი ფენდერმა დახვეწილი ვიზუალისა და ჟღერადობის ელექტრო გიტარა - სტრატოკასტერი შექმნა, რომელიც პირდაპირი განაცხადი და რევოლუცია იყო იმდროინდელ მუსიკალურ სამყაროში.
არსებული ფენდერის გიტარები დღემდე ხმაურიანად მოგზაურობენ მუსიკის ყველა ჟანრში. მართალია, ფენდერი არ წარმოადგენდა უპირველესი ელექტრო გიტარის მწარმოებელ კომპანიას, თუმცა მთავარი ამბავი ისაა, რომ ფენდერმა განსაკუთრებული სტილისტიკითა და მრავალფეროვანი არჩევანით მიაღწია, როგორც გიტარისტების არტისტულ თითებთან,ასევე, გემოვნებიანი მსმენელის გულებამდეც.
ჯიმი ჰენდრიქსი, დევიდ გილმორი, კურტ კობეინი ეს მხოლოდ მცირერიცხოვანი ვარსკვლავური ჩამონათვალია, რომლებიც თავიანთ შემოქმედებაში ფენდერის გიტარას ანიჭებდნენ უპირატესობას და ალბათ, ამიტომაც მათი ჰიტები დღემდე TOP ადგილს იკავებს.
ჟურნალმა ,,Guitar player’’ ამერიკელი გიტარისტი, როი ბიუკენენი და მისი შესრულება, ,,ყველა დროის 50 საუკეთესო ჟღერადობაში’’ დაასახელა. ამ წარმატების საიდუმლო მარტივია, მუსიკოსი ყველაზე ხშირად Fender - ის გიტარას იყენებდა. ბიუკენენი Fender Telecaster-ს ზედმეტსახელად ,,ნენსის’’ უწოდებდა. ,,ბავშვები 402 ოთახიდან’’ მის ეპოქას რომ დამთხვეოდა, სრული უფლებით ვიფიქრებდით, რომ მუსიკოსი ანიმაციური სერიალის მოყვარული იყო.
სახლში ჟღერადობა ზედმეტი არასდროსაა!
შემოგვიარე და იგრძენი თავი ნამდვილად საკუთარ სახლში...