კატეგორიები
7 რჩევა იმისათვის, რომ შეინარჩუნოთ გიტარის წყობა
20-07-2018
როგორც დამწყები, ასევე პროფესიონალი გიტარისტებისთვის ერთ-ერთი ყველაზე არასასიამოვნო მომენტი მაშინ დგება, როცა გიტარა იწყებს წყობიდან გადახვევას, მნიშვნელობა არა აქვს ეს სცენაზე მოხდება, სტუდიაში თუ სახლის გარემოში.
გთავაზობთ 7 რჩევას, რომელიც უნდა გაითვალისწინოთ, იმისათვის რომ შეინარჩუნოთ გიტარის წყობა.
1.სიმები
შეიძლება ერთი შეხედვით მარტივად ჟღერს და ყურადღებას არ აქცევდეთ, მაგრამ მოძველებული სიმები, ხშირ შემთხვევაში ხდება გიტარის როგორც ცუდი ჟღერადობის, ასევე წყობიდან გადახვევის მიზეზი.
2.კლიმატი
ტემპერატურის მკვეთრი ცვლილება უარყოფითად მოქმედებს, როგორც გიტარაზე ასევე მის სიმებზე.
1.სიმები
შეიძლება ერთი შეხედვით მარტივად ჟღერს და ყურადღებას არ აქცევდეთ, მაგრამ მოძველებული სიმები, ხშირ შემთხვევაში ხდება გიტარის როგორც ცუდი ჟღერადობის, ასევე წყობიდან გადახვევის მიზეზი.
2.კლიმატი
ტემპერატურის მკვეთრი ცვლილება უარყოფითად მოქმედებს, როგორც გიტარაზე ასევე მის სიმებზე.
3. კაპოდასტერი
არასწორად დამაგრებული კაპოდასტერი, შეიძლება გახდეს გიტარის აშლილი ჟღერადობის მიზეზი.
4. გიტარის ინტონაცია
გიტარის ცუდ ჟღერადობას, ზოგჯერ აწყობის არასწორად წარმართვა განაპირობებს, ამიტომ ყურადღება მიაქციეთ, რომ გრიფი იყოს გასწორებული და ტონალობა სწორად აწყობილი.
5. ხიდი (Bridge)
დაზიანებულმა ან მოშვებულმა ხიდის (Bridge) მექანიზმმა შეიძლება წყობა ვერ შეინარჩუნოს და ხშირად იგი გიტარის წყობის აშლის მიზეზი ხდება. ხიდის (Bridge) მექანიზმის გასწორება, სახრახნისის საშუალებით არის შესაძლებელი, რათა იგი მყარად იყოს დამაგრებული გიტარის კორპუსზე და შეინარჩუნოს წყობა.
6. ნულოვანი ლადი (The Nut)
გიტარის ყველა სიმი, ე.წ. ჯორაკის (ნულოვანი ლადი) გავლით მოძრაობს, შესაბამისად თუ იგი სწორად არ არის დამუშავებული, ანუ არ აქვს სწორი ზედაპირი, სწორედ ეს ხდება ხოლმე გიტარის წყობის აშლის მიზეზი. ამიტომ მიაქციეთ ყურადღება, რომ ჯორაკს (ნულოვანი ლადი) ქონდეს სწორი და გლუვი ზედაპირი, რადგან წინააღმდეგ შემთხვევაში იგი გამოიწვევს სიმების გრიფთან მაქსიმალურად დაბლა ან პირიქით მაღლა აწევას, რაც საბოლოო ჯამში გახდება გიტარის არასწორი ჟღერადობის მიზეზი.
7. ტრემოლო
ტრემოლოს მექანიზმის ყოველი გამოყენებისას, ხდება სიმების მოშვება, შესაბამისად თუ სიმებს ე.წ. კოლკები არ იჭერს სათანადოდ, შედეგად შეიძლება გიტარის არასასურველი ჟღერადობა მიიღოთ. იგივე პროცესი ხდება ვიბრატოს გამოყენებისას, როცა დაკვრისას ცვლით სიმების ტონალობას. შესაბამისად ტრემოლოსა და ვიბრატოს გამოყენებისას ასევე იშვებს ხიდის (Bridge) მექანიზმიც და ამ შემთხვევაშიც, გამოსავალი შეიძლება იყოს ხიდის (Bridge) მექანიზმის ჭანჭიკების მოჭერა სახრახნისის საშუალებით, რათა იგი მყარად იყოს დამაგრებული გიტარის კორპუსზე და ხანგრძლივად შეინარჩუნოს წყობა.