GE EN
გიტარები, რომლებმაც შეცვალეს მუსიკის ჟღერადობა
22-11-2018

არსებობს უამრავი გიტარის მოდელი, რომელიც ერთმანეთისგან ფორმით და ჟღერადობით განსხვავდება. თუმცა უნდა ვთქვათ, რომ ყველანაირი ვარიაცია შექმნილია სწორედ რომ იმ უკვდავი მოდელების მაგალითზე, რომლებზეც ახლა მოგიყვებით. ამ გიტარებმა შეცვალეს მუსიკის ჟღერადობა და შექმნეს სტანდარტი, რომელიც ყველასათვის მისაბაძი გახდა.

 

Fender Stratocaster & Telecaster

 

ერთ-ერთი პირველი მოდელი, რომლის ინტენსიური წარმოებაც დაიწყო. ამიტომ, არ იქნება მცდარი, თუ თხრობას მათგან დავიწყებ. 1950 წლიდან Stratocaster & Telecaster , ყველაზე პოპულარულ ინსტრუმენტად ითვლება.
ამ მოდელების გამოჩენამდე, Rock N’ Roll-ის შემსრულებლები უკრავდნენ ერთსა და იმავე ინსტრუმენტებზე, ხოლო როდესაც Buddy Holly გამოჩნდა სტრატოკასტერით სცენაზე, მაშინ დაიწყო ნამდვილი როკის ეპოქა. ასევე არ უნდა დავივიწყოთ ტელეკასტერის როლი ქანთრი მუსიკაში, რომელიც უკავშირდება James Burton-ის სახელს.

Fender-ის ბრენდის გიტარები გამოირჩევა უნივერსალურობით. შენ შეგიძლია ნებისმიერ ჟანრში აღმოაჩინო ეს გიტარა.


Fender-ის წარმატებულ პროექტებში შეგვიძლია ჩავთვალოთ Jazzmaster და ე.წ. „offset” სერიის გიტარები, რომელმაც ძალიან საინტერესოდ გაუკვალა ელექტრო გიტარას გზა, Rock N’ Roll-ის უსაზღვრო სამყაროში. მიუხედავად იმისა, რომ ხშირად მერყეობს ამ მოდელის პოპულარობა, ეს ინსტრუმენტი მაინც ძალიან გავრცელებული იყო მუსიკოსებში, რომლებსაც უყვართ სხვადასხვა ეფექტებით ექსპერიმენტების ჩატარება.
ეს მოდელი, 1960 წელს გახდა ცნობილი და მალევე აღმოჩნდა დიდ სცენაზე. თუმცა, Jazzmaster სერიის მოდელმა მალევე დაკარგა აქტუალობა, ბრენდების Gretsch და Rickenbacker გამოჩენის გამო.

დაახლოებით 30 წლის წინ, Offset სერიის გიტარის მომხიბვლელმა ფასმა, ალტერნატიული მუსიკის შემსრულებლები დააინტერესა.

 

Gibson Les Paul & SG

 

პირველი მოდელი Les Paul, (რომელსაც სახელი ცნობილი გიტარისტისა და ერთ-ერთი თანადამაარსებლის საპატივცემოდ დაერქვა )1952 წელს გამოიცა. ამ მოდელს ორივე ტიპის „Single coil” და „Humbucker” ხმის ამღები ჰქონდა. მოგვიანებით კი, 1961 წელს მოხდა ამ მოდელის მოდიფიკაცია და შეიქმნა განახლებული ვერსია, რომელიც SG სახელითაა ცნობილი.

 რამდენიმე წელიწადში Les Paul, ისევე როგორც SG მოდელი, ძალიან პოპულარული ინსტრუმენტები გახდა განსაკუთრებით Hard Rock ჟანრში. ამ გიტარებს იყენებდნენ ისეთი ბენდები როგორებიცაა: Led Zeppelin, AC/DC, Free, Black Sabbath, Guns N’ Roses, Cream, ZZ Top, Alice Cooper, Kiss და სხვა. Gibson-ის შემუშავებული ტექნოლოგიის ხარჯზე, გიტარები საკმაოდ დახვეწილი ჟღერადობით გამოირჩეოდა, რაც ზრდიდა მათ პოპულარობას.

 

 

Gibson Es Hollowbody -  არცერთი სერიის გიტარას არ უმოქმედია მუსიკის ჟღერადობის განვითარებაზე ისე, როგორც ამ უკანასკნელმა. პირველი მოდელი იყო 1936 წლის ES-150. ამ ახლად ელექტროფიცირებული ინსტრუმენტის პიონერი იყო Charlie Christian. ყველა დროის პირველი ელექტრო გიტარის არტისტად წოდებული. მისი შექმნილი ერთნოტიანი იმპროვიზაცია ჟღერდა ძალიან მკაფიოდ და სუფთად. ასევე აღსანიშნავია, Larry Carlton-ის ES-335, რომელიც გამოირჩევა მელოდიურობით, ჯაზური ტონი, რომელიც L-5 და ES-175 მოდელების დამახასიათებელია და აგრეთვე როკის მკვეთრი ბგერა Ted Nugent-ის Gibson Byrdlands სახით. ეს გიტარები გამოირჩევა მრავალფეროვნებით, რაც მუსიკის ყოველდღიური განვითარების საწინდარია.  ამ სერიის გიტარაზე უკრავდნენ ისეთი არტისტები როგორებიც არიან : Wes Montgomery, Joe Pass, Herb Ellis, Grant Green, Scotty Moore, Eric Clapton, Ted Nugent, Steve Howe, George Thorogood, Larry Carlton, Chuck Berry, Alvin Lee, Alex Lifeson, Tom DeLonge, Johnny A.




Gibson Explorer and Flying V

Hard Rock და Metal ჟანრი წარმოუდგენელია ამ ორი მოდელის გარეშე. გარდა იმისა, რომ ამ ინსტრუმენტებმა შეცვალეს მუსიკის ჟღერადობა, მათ ასევე დიდი ცვლილებები მოახდინეს ვიზუალური თვალსაზრისითაც.
ამ ორი ფუტურისტული ვიზუალის მოდელის წარმოება 1958 წლიდან დაიწყო, მაგრამ პოპულარობა არც თუ ისე მალე მოსულა. თუმცა, 1970 წლებში, Metal და Hard Rock მიმდინარეობის ახალმა ტალღამ, განახლებული ინტერესი გამოიწვია Gibson-ის მოდელების მიმართ, რომელიც დღესაც არ ნელდება.

 


გიტარის ძალიან ბევრნაირი ფორმა არსებობს, თუმცა ყველა ახალი მოდელი სწორედ ჩამოთვლილი გიტარების მაგალითზე შეიქმნა. Telecaster და Stratocaster მოდელებმა ბგერის ახლებული ხედვა ჩამოაყალიბა, Gibson Es Hollowbody მოდელმა კი, ყველაზე კარგად გაუძლო ეპოქას და არ დაუკარგავს აქტუალობა. თუმცა, გიტარის ყველა მოდელს აერთიანებს ის, რომ მათ გარეშე მუსიკის ჟღერადობა ვერ იქნებოდა ისეთი, როგორიც არის დღეს.

🛒 შეიძინე ახლავე : GUITAR

მსგავსი სტატიები