GE EN
როგორ ავიცილოთ თითების ტკივილი გიტარაზე დაკვრის დროს
12-07-2019

ყველა დამწყვები გიტარისტი დამეთანხმება, რომ დისკომფორტი გამოწვეული თითების ტკივილით ძალიან შემაწუხებელი მოცემულობაა. ამ მდგომარეობამ შესაძლოა ინსტრუმენტზე დაკვრის სურვილი და მოტივაცია დაგაკარგვინოს. გგონია, რომ ეს არასდროს დასრულდება. თუმცა, მდგომარეობის შემსუბუქება ნამდვილად შესაძლებელია თუ გაითვალისწინებ ქვემოთ ჩამოთვლილ ფუნქტებს :

1. დაუკარი ცოტა და ყოველდღე

ყველაზე კარგი გადაწყვეტილება არის ყოველდღიურ რეჟიმში 10-15 წუთის განმავლობაში დაკვრა. ეს ერთგვარი ადაპტაცია იქნება შენი თითებისთვის და პროცესი შედარებით ნელი ტემპით თუმცა უფრო უმტკივნეულოდ ჩაივლის.

2. სწორი განსაზღვრა

ნამდვილად მხოლოდ თითები გტკივა? თუ თითების ტკივილს მაჯის და კუნთების ტკივილიც ახლავს, ეს იმაზე მიუთითებს, რომ არასწორ ტექნიკას იყენებ. არ დაატანო იმაზე მეტი ძალა ვიდრე საჭიროა.

3. ესეც გაივლის

თითების ტკივილს დროებითი ხასიათი აქვს და არ საჭიროებს არანაირ მკურნალობას. ყველაზე კარგი წამალი ისევ და ისევ დაკვრაა, რომელიც გაამაგრებს შენს თითებს და რამდენიმე კვირაში ყველანაირი დისკომფორტი წარსულს ჩაბარდება.

4. სიმების სახეობა

ზოგიერთი დამწყები პირველ ინსტრუმენტად კლასიკურ გიტარას ირჩევს ნეილონის სიმების გამო, რადგან ნეილონი შედარებით რბილია და ნაკლებად იწვევს თითების ტკივილს. თუმცა, რეკომენდაციების და მიუხედავად არჩევანი შენზეა, თუ რომელი გიტარით დაიწყებ სწავლას.

5. იქნებ გიტარაშია პრობლემა?

თუ სიმები და გრიფი ზედმეტად არის ერთმანეთისგან დაშორებული, ნოტის გაჟღერება საგრძნობლად გართულდება. რაც მეტ არასწორ ძალისხმევასთან და რა თქმა უნდა, თითების ტკივილთან არის დაკავშირებული.

Similar articles