GE EN
გიტარები, რომლებმაც შეცვალეს მუსიკის ჟღერადობა
22-11-2018

არსებობს უამრავი გიტარის მოდელი, რომელიც ერთმანეთისგან ფორმით და ჟღერადობით განსხვავდება. თუმცა, უნდა ვთქვათ, რომ ყველანაირი ვარიაცია შექმნილია სწორედ, რომ იმ უკვდავი მოდელების მაგალითზე, რომლებზეც ახლა მოგიყვებით. ამ გიტარებმა შეცვალეს მუსიკის ჟღერადობა და შექმნეს სტანდარტი, რომელიც ყველასათვის მისაბაძი იყო.

 

Fender Stratocaster & Telecaster

 

ეს ორი გიტარა არის ერთ-ერთი პირველი მოდელი, რომლის ინტენსიური წარმოებაც დაიწყო. ამიტომ, არ იქნება მცდარი, რომ ისტორია სწორედ მათგან დავიწყოთ. 1950 წლიდან Stratocaster & Telecaster , ყველაზე პოპულარულ მოდელებად ითვლება.
ამ მოდელების გამოჩენამდე, Rock N’ Roll-ის შემსრულებლები უკრავდნენ ერთსა და იმავე ინსტრუმენტებზე, ხოლო როგორც კი, სცენაზე Buddy Holy გამოჩნდა თავისი თამბაქოს ფერი სტრატოკასტერით მაშინ დაიწყო ნამდვილი როკის ეპოქა. ასევე არ უნდა დავივიწყოთ ტელეკასტერის როლი, ქანთრი მუსიკაში, რომელიც უკავშირდება James Burton-ის სახელს.

Fender-ის ბრენდის გიტარები გამოირჩევა უნივერსალურობით. თქვენ შეგიძლიათ ნებისმიერ ჟანრში აღმოაჩინოთ ეს გიტარა.

 

ფენდერის წარმატებულ პროექტებში შეგვიძლია ჩავთვალოთ Jazzmaster და ე.წ. „offset” სერიის გიტარები, რომელმაც ძალიან საინტერესოდ გაუკვალა ელექტრო გიტარას გზა, Rock N’ Roll-ის უსაზღვრო სამყაროში. მიუხედავად იმისა, რომ ხშირად მერყეობს ამ მოდელის პოპულარობა, ეს ინსტრუმენტი მაინც ძალიან გავრცელებული იყო მუსიკოსებში, რომლებსაც უყვართ სხვადასხვა ეფექტებით ექსპერიმენტების ჩატარება.
ეს მოდელი 1960 წელს გახდა ცნობილი და მალევე აღმოჩნდა დიდ სცენაზე მიუხედავად იმისა თუმცა, Jazzmaster სერიის მოდელმა  მალევე დაკარგა აქტუალობა, Gretsch-ისა და Rickenbacker-ის გამოჩენის გამო.

დაახლოებით 30 წლის წინ, ამ გიტარის მომხიბვლელმა ფასმა ალტერნატიული მუსიკის შემსსრულებლები დააინტერესა. ექსპერიმენტები ჟღერადობასთან, ცოტაოდენი ეფექტები და თქვენს წინაშეა ისეთი ჯგუფები როგორებიცაა: My bloody valentine, nirvana, sonic youth და სხვ.

 

 

Gibson Les Paul and SG

 

პირველი მოდელი Les Paul, (რომელსაც სახელი ცნობილი გიტარისტისა და ერთ-ერთი თანადამაარსებლის საპატივცემოდ დაერქვა )1952 წელს გამოიცა. ამ მოდელს ორივე ტიპის „Single coil” და „Humbucker” ხმის ამღები ჰქონდა. მოგვიანებით კი, 1961 წელს მოხდა ამ მოდელის მოდიფიკაცია და შეიქმნა განახლებული ვერსია, რომელიც SG სახელითაა ცნობილი.

 რამდენიმე წელიწადში Les Paul ისევე როგორც SG მოდელი ძალიან პოპულარული ინსტრუმენტები იყო, განსაკუთრებით Hard Rock ჟანრში. ამ გიტარებს იყენებდნენ ისეთი ბენდები როგორებიცაა: Led Zeppelin, AC/DC, Free, Black Sabbath, Guns N’ Roses, Cream, ZZ Top, Alice Cooper, Kiss და სხვა. Gibson-ის შემუშავებული ტექნოლოგიის ხარჯზე, გიტარები საკმაოდ დახვეწილი ჟღერადობით გამოირჩეოდა, რაც ზრდიდა მათ პოპულარობას.

 

 

Gibson Es Hollowbody, არც ერთი სერიის გიტარას არ უმოქმედია მუსიკის ჟღერადობის განვითარებაზე ისე, როგორც ამ უკანასკნელმა. პირველი მოდელი იყო 1936 წლის ES-150. ამ ახლად ელექტროფიცირებული ინსტრუმენტის პიონერი იყო Charlie Christian ყველა დროის პირველი ელექტრო გიტარის არტისტად წოდებული. მისი შექმნილი ერთნოტიანი იმპროვიზაცია ჟღერდა ძალიან მკაფიოდ და სუფთად. ასევე აღსანიშნავია Larry Carlton-ის ES-335, რომელიც გამოირჩევა მელოდიურობით, ჯაზური ტონი, რომელიც L-5 და ES-175 მოდელების დამახასიათებელია და აგრეთვე როკის მკვეთრი ბგერა Ted Nugent-ის Gibson Byrdlands სახით. ეს გიტარები გამოირჩევა მრავალფეროვნებით, რაც მუსიკის ყოველდღიური განვითარების საწინდარია.  ამ სერიის გიტარაზე უკრავდნენ ისეთი არტისტები როგორებიც არიან : Wes Montgomery, Joe Pass, Herb Ellis, Grant Green, Scotty Moore, Eric Clapton, Ted Nugent, Steve Howe, George Thorogood, Larry Carlton, Chuck Berry, Alvin Lee, Alex Lifeson, Tom DeLonge, Johnny A.

 

 

 

Gibson Explorer and Flying V

 

ჰარდ როკი და მეტალი  წარმოუდგენელია ამ ორი მოდელის გარეშე. გარდა იმისა, რომ ამ ინსტრუმენტებმა შეცვალეს მუსიკის ჟღერადობა, მათ ასევე დიდი ცვლილებები მოახდინეს ვიზუალური თვალსაზრისითაც.
ამ ორი ფუტურისტული ვიზუალის მოდელის წარმოება 1958 წლიდან დაიწყო, მაგრამ პოპულარობა არც ისე მალე მოიპოვა. თუმცა, 1970 წლებში, მეტალისა და ჰარდ როკის ახალმა ტალღამ, განახლებული ინტერესი გამოიწვია Gibson-ის  მოდელების მიმართ, რომელიც დღესაც არ ნელდება.

 

გიტარის ძალიან ბევრნაირი ფორმა არსებობს, თუმცა თუ კარგად დავუკვირდებით მივხვდებით, რომ ყველა ახალი მოდელი სწორედ ჩამოთვლილი გიტარების მაგალითზე შეიქმნა. მაგალითად, Telecasterm-ა და Stratocaster-ა  ბგერის ახლებული ხედვა ჩამოაყალიბა, Gibson Es Hollowbody მოდელმა კი, ყველაზე კარგად გაუძლო ეპოქას და არ დაუკარგავს აქტუალობა. თუმცა გიტარის ყველა მოდელს აერთიანებს ის, რომ მათ გარეშე მუსიკის ჟღერადობა ვერ იქნებოდა ისეთი, როგორიც დღეს არის.

Similar articles