GE EN
აკუსტიკური აღჭურვილობა თქვენი სარეპტიციო ოთახისთვის
13-11-2018

თუკი ერთხელ მაინც გიცდიათ კომპოციზიაზე სარეპეტიციო ოთახში მუშაობა, მაშინ თქვენთვის ნათელია თუ რა პრობლემებს აწყდება მუსიკოსი ამ გარემოებაში. ოთახის სტრატეგიული კონფიგურაციისა და სწორი ხელსაწყოების დახმარებით თქვენ შეძლებთ თავიდან აირიდოთ აკუსტიკასთან დაკავშირებული უსიამოვნებები. ხშირად თავადვე უნდა მოახდინოთ სარეპეტიციოს აკუსტიკური ოპტიიზაცია, რადგან ყველა ოთახი უნიკალურია და მოითხოვს ინდივიდუალურ მოწყობილობას.
არსებობს ბევრნაირი პროდუქცია, რითიც შეგიძლიათ გააუმჯობესოთ თქვენი სარეპეტიციოს აკუსტიკა. ხშირად გამოიყენება ე.წ. „ხმის ჩამხშობი“ (absorber) ეს ერთგვარი ღრუბელია, რომელიც შთანთქავს ბგერებს და ხელს უშლის მათ მყარ ზედაპირზე არეკვლას. ერთ-ერთი ყველაზე კარგი საშუალება არის ე.წ. აკუსტიკური პანელი, რომელიც სავარაუდოდ ყველა მუსიკოსს უნახავს.

ტიპიური სარდაფი ან საკლასო ოთახი, სადაც თქვენ გსურთ სარეპეტიციო ოთახის მოწყობა არ არის აკუსტიკურად გამართული მოცემულობა მუშაობისთვის, რადგან ვოკალი და დრამის ბგერა ზედმეტად მკვეთრია, რის ფონზეც იკარგება ინსტრუმენტები. ასეთ გარემოში არა მხოლოდ მუსიკის შესრულება, არამედ ინსტრუმენტების აწყობაც კი რთულია. ამ შემთხვევაში პრობლემის აღმოსაფხვრელად საჭიროა კედლებზე აკუსტიკური პანელების განლაგება, რომელიც ახშობს მაღალ სიხშირეებს. აუცილებელია, რომ ვეცადოთ თავი ავარიდოთ დიდ სივრცეებს პარალელური კედლებით. როგორც წესი, პანელები თანაბრად უნდა გადანაწილდეს ორ მოსაზღვრე კედელზე. პატარა ზომის ოთახში, ორ აკუსტიკური პანელს, რომელიც ზომაში 1 მეტრია, სასწაულების მოხდენა შეუძლია. 

ფანჯრები და მსგავსი ტიპის ზედაპირები შესაძლოა პრობლემა გახდეს კომპოზიციაზე მუშაობისას, რისი დაფარვაც შეგიძლიათ სპეციალურად შემუშავებული ფარდებით, რომლებიც ფართოდ გამოიყენება სარეპეტიციო სივრცეებში.

არა მხოლოდ კედლები, არამედ ჭერი და იატაკიც საკმაოდ დიდ პრობლემას წარმოადგენს. ამ შემთხვევაშიც იდეალური გამოსავალია აკუსტიკური პანელები. რომლებიც სხვადასხვა ვიზუალის არსებობს და შეგიძლიათ გემოვნების მიხედვით შეარჩიოთ.

დაბალი სიხშირეების კონტროლი, საკმაოდ რთული პროცესია ამისთვის არსებობს ე.წ. ბასის ხაფანგები, რომლებიც სასურველია დამონტაჟდეს კედლის კუთხეებში. რაც უფრო დიდია ხაფანგი მით უკეთესაც მუშაობს, ამიტომ დაბალი სიხშირეების გამართვა მეტ ძალისხმევას მოითხოვს.

 

არ დაგავიწყდეთ დიფუზია!

აკუსტიკური აღჭურვილობის დანიშნულება არ არის ჟღერადობის „შთანთქმა“. საუკეთესო ჟღერადობის მისაღებად, აკუსტიკურ პანელებთან ერთად აუცილებელია დიფუზორების გამოყენება. დიფუზორები უზრუნველყოფენ შემომავალი ჟერადობის სხვადასხვა მიმართულებით განაწილებას, ეს ხელს უშლის უსიამოვნო მოცემულობას, რასაც ექო ქვია.

თქვენი სარეპეტიციო ოთახის განლაგებიდან გამომდინარე, სარფიანი იქნებოდა ინსტრუმენტების აკუსტიკურად გამოყოფა ერთმანეთისგან, გამჭვირვალე გამყოფი პანელების მეშვეობით, რაც უზრუნველყოფს მაქსიმალურად გამართულ ჟღრადობას.

Similar articles