GE EN
როგორ შევარჩიოთ გიტარის ხმის ამღები
10-08-2018

რა ხდის ელექტრო გიტარის ჟღერადობას განსაკუთრებულს? ხის მასალა, აგებულება, თუმცა ყველაზე მთავარი კომპონენტი, არის გიტარის ხმის ამღები ე.წ. „Pickup”. არსებობს ბევრნაირი სახეობის, თუმცა ამ ეტაპზე ყურადღებას გავამახვილებთ, ორ ყველაზე პოპულარულ ხმის ამღებზე ესენია: „Single Coil” და “Humbucker”.

რა არის ხმის ამღები (Pickup) ?
Pickup-ი არის მაგნიტი, რომელიც ასრულებს გიტარის სიმების ვიბრაციის მიმღების ფუნქციას, გარდაქმნის ელექტრო სიგნალად და გადასცემს გიტარის ხმის გამაძლიერებელს, რათა გაჟღერდეს ინსტრუმენტი.

რა განსხვავებაა „Single Coil” და “Humbucker“ ხმის ამღებებს შორის?
„Single Coil” -  ხმის ამღების ეს ტიპი, პოპულარულია ისეთ ჟანრებში როგორებიცაა: ბლუზი, ინდი-როკი, სოფთ-როკი და ა.შ. მისი ჟღერადობა ხასიათდება მაღალი სიხშირეებითა და მკაფიო, სუფთა ბგერით.

 
“Humbucker“ - შედგება ორი ხმის ამღებისგან, რომლებიც  ერთმანეთთანაა დაკავშირებული. „Single Coil”- თან შედარებით, ამ ტიპის ხმის ამღებს, აქვს უფრო მძლავრი ჟღერადობა და პოპულარულია ისეთ მუსიკალურ ჟანრებში როგორებიცაა: ჰარდ-როკი, მეტალი და ა.შ.

 

გიტარებს შესაძლოა ჰქონდეთ ხმის ამღების სხვადასხვა კომბინაციები. თუ თქვენ ეძებთ თქვენთვის შესაფერისს, შეგიძლიათ მოუსმინოთ საყვარელ მუსიკოსებს და გაერკვეთ თუ რომელ გიტარებს იყენებენ ისინი, ხოლო ამ დაკვირვების შემდეგ უკვე გააკეთოთ საკუთარი არჩევანი. მაგალითად, ერიკ კლეპტონი 60-იანი წლების განმავლობაში ინტენსიურად იყენებდა გიტარებს, „Humbucker”-ის ტიპის ხმის ამღებით, ხოლო 70-იანი წლების დასაწყისში, მუსიკოსმა არჩევანი „Single Coil” ხმის ამღებზე შეაჩერა.
დაფიქრდით, როგორი ჟღერადობა გსურთ, ეს დაგეხმარებათ არჩევანის გაკეთებაში. ზოგიერთი მუსიკოსი ორივენაირ ხმის ამღებს იყენებს, რომელსაც გადამრთველის მეშვეობით არეგულირებს.

მსგავსი სტატიები