GE EN
სტუდიური მონიტორების სწორი განლაგება
26-10-2018

სტუდიური მონიტორები შესანიშნავი საშუალებაა თქვენი ჩანაწერის მოსასმენად. თუმცა, სრულფასოვანი მუშაობისთვის აუცილებელია გაითვალისწინოთ რამდენიმე რჩევა, რომელიც აუცილებლად გამოგადგებათ.
წარმოგიდგენთ, 6 რჩევას მონიტორების განლაგებასთან დაკავშირებით:

1. არ მოათავსოთ მონიტორები კედელთან ახლოს

როდესაც მონიტორი განთავსებულია კედელთან ახლოს ან კუთხის პოზიციაში, შესაძლოა ამან გამოიწვიოს ბასის ქვედა სიხშირეების ზედმეტი გაჟღერება, ხოლო ზედა სიხშირეების სრული გაფანტვა. რა თქმა უნდა, მსგავსი ფაქტი არ არის მიზანშეწონილი, რადგან ბასი ძალიან მნიშვნელოვანი კომპონენტია მუსიკაში. ექსპერიმენტების და სხვადასხვა მოდიფიკაციების ხარჯზე, შეგიძლიათ აღმოაჩინოთ პოზიცია, რომლითაც მაქსიმალურად ზუსტ და სუფთა ჟღერადობას მიიღებთ. ნებისმიერ შემთხვევაში, მონიტორების განლაგება არ უნდა მოხდეს მყარი ზედაპირის მახლობლად.




2. სიმეტრია

თქვენი მონიტორები უნდა იყოს პოზიციონირებული ისეთი მოცემულობით, რომ ჩამოყალიბდეს ტოლგვერდა სამკუთხედი თქვენი სამუშაო ადგილის მიმართულებით. მონიტორებისთვის აუცილებელია „სუნთქვა“, რათა სიხშირეების წარმოება კომპრომისების გარეშე მოხდეს. 



3. სწორი დაშორება

არსებობს ბევრნაირი მონიტორი, თუმცა ამ შემთხვევაში განვიხილოთ ერთი მოცემულობა. რაც უფრო დიდი ზომისაა მონიტორი, მით უფრო დაშორებული უნდა იყოს მსმენელისგან(შენგან). ხშირ შემთხვევაში, მწარმოებელი კომპანია თვითონ სთავაზობს მომხმარებელს იდეალურ დისტანციას. რაც უფრო ახლოს იქნება მონიტორი მსმენელთან, მით უფრო ნაკლებად შესამჩნევი გახდება აკუსტიკური გავლენა ოთახზე.




4. ჰორიზონტალურად თუ ვერტიკალურად?

საუკეთესო ჟღერადობის მისაღებად, რეკომენდირებულია, რომ მონიტორები იყოს პოზიციონირებული ვერტიკალურ მდგომარეობაში. შესაძლოა, ყოველთვის ესთეტიურად არ გამოიყურებოდეს ეს მოცემულობა თუმცა, ყოველთვის ეცადეთ, რომ მონიტორები მოათავსოთ ვერტიკალურად, რადგან მაღალი ტონის გადამცემებიდან გამომავალი ჟღერადობა სრულფასოვნად გაიგოთ.



5. სიმაღლე მნიშვნელოვანია!

მონიტორები არ უნდა იყოს განლაგებული ან ძალიან დაბლა ან ძალიან მაღლა თქვენგან. მცდარია შეხედულება, რომ დიდი მონიტერები (დაბალი სიხშირეები) მომართული უნდა იყოს მსმენელის ყურისკენ. თუ თქვენ მონიტორებს დახრილ პოზიციაში მოათავსებთ, შეეცადეთ, რომ არ დაუმიზნოთ თქვენს სამუშაო მაგიდას, რათა თავიდან აირიდოთ არასასურველი ანარეკლები. ამისთვის იდელური გამოსავალია რეგულირებდი სადგამები.




6. აკუსტიკა

და რა თქმა უნდა, აკუსტიკა! თუ თქვენი ოთახის აკუსტიკა უცნაურად რეზონირებს, აუცილებელია, რომ გამოიყენოთ ისეთი აღჭურვილობა, როგორიცაა აკუსტიკური პანელები, დიფუზორები და ა.შ.
აქტიურ მონიტორებს, ხშირ შემთხვევაში, აქვთ ტონის რეგულირების საშუალება, რათა კომპენსირდეს აკუსტიკის გავლენა ჟღერადობაზე. მთელი პროცესი დაკავშირებულია ექსპერიმენტებთან, რომლის მეშვეობითაც უნდა მიაგნოთ სასურველ ჟღერადობას. ასევე, არსებობს სხვადასხვა საშუალებები სიხშირეებისა და საერთო სტერეო ჟღერადობის სურათის კორექტირებისთვის.


🛒 შეიძინე ახლავე : STUDIO 

მსგავსი სტატიები