GE EN
რამდენიმე რჩევა, წარმატებული საუნდჩექისთვის
16-11-2018

საუნდჩექი არის პროცესი, რომელიც ყველა ბენდმა და შემსრულებელმა უნდა გაიაროს კონცერტზე გასვლის წინ. მიზანი კი საუკეთესო ჟღერადობის მიღებაა, ინდივიდუალურად ყველა შემსრულებლისთვის. აუცილებელია, რომ ხმის რეჟისორმა იცოდეს ბენდის შემოქმედება, რადგან მისთვის უცხო არ იყოს ჯგუფის ჟღერადობა. ოპტიმალური შედეგის მისაღწევად აუცილებელია, რამდენიმე ფაქტორის გათვალისწინება.

წარმოგიდგენთ 4 რჩევას, რომელიც დაგეხმარებათ საუნდჩექის დროს.

1. პრობლემური აღჭურვილობა

აუცილებელია, რომ საუნდჩექამდე შემოწმდეს ინსტრუმენტების ყველა კომპონენტი, რათა აღმოიფხვრას ყველანაირი გაუმართაობის ალბათობა. ამის შემოწმება შესაძლებელია თუნდაც სარეპეტიციოში. მთავარია, რომ საუნდჩექისას ყველა ინსტრუმენტი ჟღერდეს გამართულად.




2. სიჩუმის შენარჩუნება

გაითვალისწინეთ, რომ ყველა ინსტრუმენტის ერთდროულად შემოწმება შეუძლებელია. ამიტომ, როდესაც ხმის რეჟისორი ერთ ინსტრუმენტზეა ფოკუსირებული. აუცილებელია, რომ ბენდის სხვა წევრებმა შეინარჩუნონ სიჩუმე.  შესაძლოა დასარტამი ინსტრუმენტის საუნდჩექისსას მოგბეზრდეთ, 10 წუთი ერთი და იგივე დარტყმის მოსმენა თუმცა, რაც უფრო პერფექციონისტი იქნება ხმის რეჟისორი, მით უფრო წარმატებულად ჩაივლის კონცერტი.




3. შესაბამისი რეპერტუარი

აუცილებელია, რომ ბენდმა საუნდჩექისას შეასრულოს იგივე კომპოზიცია ანალოგიური ტემპითა და ხმის სიმძლავრით, როგორც კონცერტზე. რადგან, საერთო ჟღრადობისთვის აუცილებელია, რომ ყველა დეტალი იდენტურად გაჟღერდეს.




4. მიღებული მოდიფიკაცია

და ბოლოს, როდესაც ხმის გასწორების პროცესი დასრულდება აუცილებელია, რომ ჯგუფის წევრებმა მიღებული მოდიფიკაციების სახეცვლა არ დაიწყონ. ყველა ღილაკი უნდა დარჩეს უცვლელი, რადგან შესაძლოა მუსიკოსმა შესრულებისას ვერ აღიქვას საერთო სურათი და შეტანილი ცვლილებებით ზიანი მიაყენოს ჯგუფის ჟღერადობას.

მსგავსი სტატიები