GE EN
ცეცხლოვანი რიტუალი და გაოგნებული მსმენელი
28-07-2018
საოცარია, რომ გიტარა, რომელზეც მხოლოდ ერთხელ დაუკრეს მსოფლიოში ერთ-ერთ ყველაზე აღიარებულ ინსტრუმენტად იქცა. სწორედ ასეთი შემთხვევაა ჯიმი ჰენდრიქსის Fender Stratocaster-ი , რომელიც არტისტმა თავისი ხელით გაანადგურა. 1967 წელს, 24 წლის მუსიკოსის, ჯიმი ჰენდრიქსის გამოსვლა Monterey Pop Festival-ზე, Rock N’ Roll-ის ისტორიაში შევიდა , როგორც ერთ-ერთი ყველაზე ლეგენდარული და დაუვიწყარი სანახაობა.



“This is for everyone”, სწორედ ამ სიტყვების შემდეგ, კომპოზიცია “Wild Thing”-ის შესრულების დროს, ჯიმი ჰენდრიქსმა, საკუთარი ხელით მოხატული Fender Stratocaster დაწვა, რაც ამ სანახაობის ცეცხლოვანი ფინალი გახდა.



ემოციური პერფორმანსი, რომელიც ჰენდრიქსმა შესთავაზა მსმენელს ძალიან მოულოდნელი და შოკისმომგვრელი იყო. ცეცხლში გახვეული გიტარა, კონცერტზე მყოფმა 17 წლის ედ კარეფმა ფოტოაპარატის ფირზე დააფიქსირა, რის შემდეგაც ეს ფოტო არაერთხელ დაიბეჭდა ჟურნალ “Rolling Stone”-ის გარეკანზე.



ედ კარეფის ფოტოებმა ჯიმი ჰენდრიქსზე იმდენად დიდი შთაბეჭდილება მოახდინა, რომ არტისტმა ახალგაზრდა ფოტოგრაფი მიიწვია მომავალი გამოსვლების დასაფიქსირებლად. განადგურებული ინსტრუმენტის მხოლოდ რამდენიმე ნაწილი შენარჩუნდა. Fender-მა, ცეცხლოვანი გამოსვლის 50 წლის საიუბილეოდ გამოსცა ამ ლეგენდარული ინსტრუმენტის რეპროდუქცია, რომელიც გაყიდვაში ლიმიტირებული გამოცემითაა.



🛒 შეიძინე ახლავე : FENDER JIMI HENDRIX MONTEREY STRATOCASTER®

მსგავსი სტატიები