GE EN
გიტარაზე მეცადინეობის ეფექტური განრიგი
14-08-2018
განრიგის არსებობა, მეცადინეობის პროცესს მაქსიმალურად ეფექტურს ხდის. ინსტრუმენტზე დაკვრის სწავლის დაწყებისას, გვხვდება ძალიან ბევრი ინფორმაცია, რაც შესაძლოა დამაბნეველიც იყოს. თუმცა, არსებობს ინფორმაციის დახარისხების გზები, რომელიც დაგეხმარებათ სწრაფად აითვისოთ ინსტრუმენტზე დაკვრა.

არსებობს მეცადინეობის პრაქტიკა, რომელსაც „შუალედური სწავლება“ ეწოდება. პრინციპი არის შემდეგნაირი: თქვენ გავიწყდებათ ის, რაც მოკლე დროში გქონდათ ნასწავლი და შესაბამისად, ერთსა და იმავე პროცესს გადიხართ ხშირად და შედარებით მოკლე პერიოდში, რაც დადებითად ისახება შედეგზე. შუალედური სწავლების პრინციპი, ეწოდება 3x10 ტექნიკას, რომელიც შეიმუშავა დოქტორმა Doug Fields-მა, რომელიც იყო გიტარისტი და ნეირობიოლოგი. ტვინის განვითარებისა და მეხსიერების შესწავლის დროს დოქტორ Fields-მა აღმოაჩინა, რომ მეხსიერებასთან უფრო ძლიერი კავშირი მყარდება, თუ მეცადინეობის სესიების ინტენსიობა იქნება დღეში სამჯერ, 10 წუთიანი ინტერვალით.



როგორ ვიმეცადინო?

წარმოიდგინეთ, რომ დიდი ულუფა ლანჩის მაგივრად, თქვენ მთელი დღის განმავლობაში გიწევთ ხშირი წახემსება. სწორედ ამ პრინციპით წარმართეთ თქვენი მეცადინეობის პროცესი.




არ აქვს მნიშვნელობა თუ რას სწავლობთ, იქნება ეს ახალი სიმღერა თუ გიტარ რიფი. აუცილებლად შეისვენეთ და დაკავდით სხვა საქმით. მაგალითად, როგორიცაა ტელევიზორის ყურება, გასეირნება, დაუთმეთ ამ პროცესს 10 წუთი. ხოლო შემდეგ, ისევ დაუბრუნდით ინსტრუმენტს და განაგრძეთ მეცადინეობა. რეპეტიცია ძალიან მნიშველოვანია სწავლისთვის, მაგრამ ისიც მნიშვნელოვანია თუ რა ხერხს იყენებთ ინსტრუმენტის ასათვისებლად. გამოიყენეთ 3x10 ტექნიკა, როგორც მარტივი გზა, ახალი ინფორმაციის მისაღებად, სწრაფი და გრძელვადიანი შედეგისთვის.

მსგავსი სტატიები