GE EN
აკუსტიკური აღჭურვილობა შენი სარეპეტიციო სივრცისთვის
13-11-2018

თუკი ერთხელ მაინც გიცდია კომპოციზიაზე სარეპეტიციო ოთახში მუშაობა, მაშინ შენთვის ნათელია, თუ რა პრობლემებს აწყდება მუსიკოსი ამ მოცემულობაში. ოთახის სტრატეგიული კონფიგურაციისა და სწორი ხელსაწყოების დახმარებით შენ შეძლებ, თავიდან აირიდო აკუსტიკასთან დაკავშირებული უსიამოვნებები. ხშირად თავადვე უნდა მოახდინო სარეპეტიციოს აკუსტიკური ოპტიმიზაცია, რადგან ყველა ოთახი უნიკალურია და მოითხოვს ინდივიდუალურ მიდგომას.
არსებობს ბევრნაირი პროდუქცია, რითიც შეგიძლია გააუმჯობესო შენი სარეპეტიციოს აკუსტიკა. ხშირად გამოიყენება ე.წ. „ხმის ჩამხშობი“ (absorber) ეს ერთგვარი ღრუბელია, რომელიც შთანთქავს ბგერებს და ხელს უშლის მათ მყარ ზედაპირზე არეკვლას. ერთ-ერთი ყველაზე კარგი საშუალებაა ე.წ. აკუსტიკური პანელი, რომელიც სავარაუდოდ ყველა მუსიკოსს უნახავს.



ტიპიური სარდაფი ან საკლასო ოთახი, სადაც შენ გსურს სარეპეტიციო ოთახის მოწყობა არ არის აკუსტიკურად გამართული მოცემულობა მუშაობისთვის, რადგან ვოკალი და დრამის ბგერა ზედმეტად მკვეთრია, რის ფონზეც იკარგება ინსტრუმენტები. ასეთ გარემოში არა მხოლოდ მუსიკის შესრულება, არამედ ინსტრუმენტების აწყობაც კი რთულია. ამ შემთხვევაში პრობლემის აღმოსაფხვრელად საჭიროა კედლებზე აკუსტიკური პანელების განლაგება, რომელიც ახშობს მაღალ სიხშირეებს. აუცილებელია, რომ ვეცადოთ თავი ავარიდოთ დიდ სივრცეებს პარალელურად განლაგებული კედლებით. როგორც წესი, პანელები თანაბრად უნდა გადანაწილდეს ორ მოსაზღვრე კედელზე. პატარა ზომის ოთახში ორ აკუსტიკურ პანელს, რომელიც ზომაში 1 მეტრია, სასწაულების მოხდენა შეუძლია. 


ფანჯრები და მსგავსი ტიპის ზედაპირები შესაძლოა პრობლემა გახდეს კომპოზიციაზე მუშაობისას, რისი დაფარვაც შეგიძლია სპეციალურად შემუშავებული ფარდებით, რომლებიც ფართოდ გამოიყენება სარეპეტიციო სივრცეებში.
არა მხოლოდ კედლები, არამედ ჭერი და იატაკიც საკმაოდ დიდ პრობლემას წარმოადგენს. ამ შემთხვევაშიც იდეალური გამოსავალია აკუსტიკური პანელები, რომლებიც სხვადასხვა ვიზუალის არსებობს და შეგიძლია გემოვნების მიხედვით შეარჩიო.


დაბალი სიხშირეების კონტროლი საკმაოდ რთული პროცესია, ამისთვის არსებობს ე.წ. ბასის ხაფანგები, რომლებიც სასურველია დამონტაჟდეს კედლის კუთხეებში. რაც უფრო დიდია ხაფანგი, მით უკეთესაც
მუშაობს. ამიტომ, დაბალი სიხშირეების დახშობა მეტ ძალისხმევას მოითხოვს.


აკუსტიკური აღჭურვილობის დანიშნულება არ არის მხოლოდ ჟღერადობის „შთანთქმა“. საუკეთესო ჟღერადობის მისაღებად, აკუსტიკურ პანელებთან ერთად აუცილებელია დიფუზერების გამოყენება. დიფუზერები უზრუნველყოფენ შემომავალი ჟერადობის სხვადასხვა მიმართულებით განაწილებას, ეს ხელს უშლის უსიამოვნო მოცემულობას, რასაც ექო ქვია.




და ბოლოს, არ დაგავიწყდეს, რომ საუკეთესო შედეგის მისაღწევად საჭიროა ბევრი ექსპერიმენტის ჩატარება.

მსგავსი სტატიები