GE EN
5 ნოვატორი, რომელმაც შეცვალა მუსიკის ისტორია
11-09-2018

ინსტრუმენტების სახელწოდებები, ხშირ შემთხვევაში მათი შემქმნელების სახელებთანაა დაკავშირებული.
მაგალითად : Fender, Gibson, Steinway, Taylor, Paul Reed Smith.

ჩვენ ვიცით, რომ Taylor და Paul Reed Smith გარდა იმისა, რომ იყვნენ ინსტრუმენტების შემქმნელები, ასევე იყვნენ, ძალიან კარგი მუსიკოსები. თუმცა ისტორია გვიჩვენებს, რომ არ აქვს მნიშვნელობა უკრავ თუ არა, მუსიკის სიყვარული ბევრი ადამიანისთვის ნოვატორული იდეის საწინდარი გახდა.
წარმოგიდგენთ 5 ნოვატორს, როლებმაც შექმნეს მუსიკალური ინსტრუმენტი:

1.  Laurens Hammond - ადამიანი, რომელმაც შექმნა მსოფლიოში აღიარებული ჰემონდის ელექტრო ორგანი.
მისი ინსპირაცია გახდა ეკლესიაში მოსმენილი საორგანო მუსიკა. მან არ იცოდა ორგანზე დაკვრა. შესაბამისად, როდესაც ინსტრუმენტის დიზაინზე და ჟღერადობაზე მუშაობდა, იწვევდა ცნობილ მუსიკოსებს, რათა გამოეცადათ ახალი ინსტრუმენტი.
პირველი ელექტრო ორგანი შეიქმნა 1935 წელს, რომელიც ლეგენდარულმა მუსიკოსმა და  კომპოზიტორმა ჯორჯ გერშვინმა შეიძინა.




2. Fred Gretsch - 15 წლის ასაკიდან მეთვალყურეობდა ნიუ იორკში, ბრუკლინში არსებულ პატარა მუსიკალურ მაღაზიას, რომელსაც საფუძველი მამამისმა ჩაუყარა. სიახლისა და ინდივიდუალიზმის მუდმივ ძიებაში, მან შექმნა დასარტყამი ინსტრუმენტის, დრამის ინოვაციური ნიმუში,  რომელიც იმ დროისთვის მუსიკაში ახალ სტანდარტად იქცა. 


3. Bob Moog -  ბავშვობაში დედა მას ფორტეპიანოზე დაკვრას ასწავლიდა, თუმცა მას მამასთან ერთად მუშაობა უფრო ხიბლავდა, რომელიც ელექტრო ინჟინერი იყო. იგი ძალიან ბევრ დროს ატარებდა სახელოსნოში სადაც რადიოს, ხმის გამაძლიერებლის და სამ აკორდიანი ორგანის შექმნაზე მუშაობდა. მისი ცხოვრება შეიცვალა, როდესაც 1940 წელს, შექმნა ელექტრო ინსტრუმენტი - ტერემინი. გერმანელ კომპოზიტორთან Herbert Deutsch კოლაბორაციით, მან შექმნა სინთეზატორი, რომელიც აუდიო ინჟინერიის სფეროში ახალი ხმა იყო.



4. Joseph Rogers - "Roger Drums" - ის დამფუძნებელმა მიუხედავად იმისა, რომ საერთოდ არანაირი კავშირი არ ჰქონდა მუსიკასთან 1849 წელს, ნიუ იორკში გახსნა მაღაზია, რომელიც დიდი პოპულარობით სარგებლობდა.
მანდ თავი გაითქვა, მაღალი ხარისხის ფირფიტების შექმნით დრამისა და ბანჯოსთვის. მის მიერ შექმნილ ფირფიტებს იყენებდა ამერიკული “Union Army”, სამოქალაქო ომის მარშის დროს.

5. Leo Fender -  ერთ-ერთი საუკეთესო გიტარის ოსტატი.
14 წლის ასაკში იგი აღფრთოვანებული იყო რადიოთი, რომელიც ბიძამისმა სხვადასხვა უსარგებლო ნაწილებისგან შექმნა. ზუსტად ეს გახდა მისთვის ინსპარაცია, შეექმნა ელექტრო ინსტრუმენტი. მიუხედავად იმისა, რომ იგი არ იყო მუსიკოსი, მისი სახელი  შეყვანილია როკ ენ როლის დიდების დარბაზში (Rock and Roll Hall of Fame in 1992). ლეგენდარული ჯგუფის „The Rolling Stones” გიტარისტი, Keith Richards 1989 წლის ინტერვიუში ფენდერზე ამბობს: „მადლობა ღმერთს, რომ ფენდერი არსებობს და ქმნის ინსტრუმენტებს იმისთვის, რომ ჩვენ დავუკრათ."

მსგავსი სტატიები