GE EN
4 ჯგუფი, რომელმაც რამდენიმეჯერ შეიცვალა ჟანრი
14-11-2018

კარგია თუ ცუდი, მუსიკალური ჯგუფები მოღვაწეობის მანძილზე იცვლიან ჟანრს და შესაბამისად ჯგუფის კონცეფციაც იცვლება. გარკვეულ შემთხვევებში, ჟანრის ცვლილება ხელს უწყობს ჯგუფს შექმნას საკუთარი, უნიკალური ჟღერადობა, რის გამოც მათ იმახსოვრებს მსმენელი.

წარმოგიდგენთ 4 ჯგუფს, რომელმაც შეიცვალა მუსიკალური ჟანრი:

1. RADIOHEAD

როდესაც ბრიტანულმა ჯგუფმა Radiohead, დაიწყო მუსიკის შექმნა მათი ჟღერადობა ძალიან მკაფიო და გამოკვეთილი იყო როკ კულტურაში. მაგრამ წლების განმავლობაში, ჯგუფის ჟღერადობამ სახე იცვალა და Radiohead აღარ შემოიფარგლებოდა, მხოლოდ ერთი კონკრეტული ჟანრით.
ცვლილებები დაიწყო 1997 წელს გამოშვებული ალბომის “Ok computer” შემდეგ, როდესაც ჯგუფმა დაიწყო ექსპერიმენტები სხვადასხვა ინსტრუმენტებით, რამაც ბენდის ჟღერადობაზე დიდი გავლენა იქონია. თუმცა, ეს პროცესი არ გაჩერებულა და Radiohead მსმენელს მუდმივ სიახლეებს სთავაზობდა.



 2.BEE GEES 


1958 წელს შექმნილი ბენდი Bee Gees, ყოველთვის დისკო მუსიკის შემსრულებელი არ ყოფილა. მათი პირველი ალბომი, რომელიც 1960 წელს გამოიცა, რადიკალურად განსხვავებული ჟღერადობის იყო. მათ ძალიან ბევრი თანხვედრა ჰქონდათ ჯგუფთან “The Beatles” და ასრულებდნენ როკ და ქანთრი მუსიკას. თუმცა, ყველაფერი შეიცვალა, როდესაც ბენდმა ბრიტანეთიდან ამერიკაში გადაინაცვლა და იმ პერიოდის ყველაზე პოპულარული ჟანრის, დისკოს შესრულება დაიწყო. მათი წარმატების საწინდარი გახდა ფილმისთვის „Saturday Night Fever“, დაწერილი სიმღერა, რომელმაც მუსიკალურ ჩარტებში პირველი ადგილი დაიკავა.




3. DAMON ALBARN

 

Brit-Pop შემსრულებელი და ჯგუფის Blur ვოკალისტი. ყველაფერი შეიცვალა მაშინ, როდესაც არტისტმა შექმნა ახალი ვირტუალური ბენდი „Gorillaz”. ჯგუფის BLUR წევრები, ვოკალისტის გავლენის ქვეშ მოექცნენ და დაიწყეს ექსპერიმენტები ელექტრონული მუსიკისა და აფრიკული რიტმის მიმართულებით.
ახალი პროექტის „Gorillaz” წევრების ვინაობა გასაიდუმლოებული იყო ხოლო, ვიდეო კლიპებში გამოყენებული პერსონაჟები Jamie Hewlett - ის კომიქსების გმირები არიან. Gorillaz აღიარებულია, როგორც მსოფლიოში საუკეთესო ვირტუალური ჯგუფი.


 

 

4. DEPECHE MODE

 

Synth-pop- ის ბედნიერმა ჟღერადობამ, რომლითაც სახელი გაითქვა ჯგუფმა Depeche Mode, მალევე იცვალა სახე. 1980 წლებიდან ჯგუფის ჟღერადობა ნელ-ნელა იცვლებოდა, სიმღერის ტექსტები კი, უფრო და უფრო პესიმისტური ხდებოდა და დრამატულ ატმოსფეროს ქმნიდა. სახასიათო ელექტრონულმა ჟღერადობამ, ჯგუფს ახალი ტალღის Gothic-Pop ჟანრის პიონერის წოდება მიანიჭა. მათი მუსიკა გახდა ინსპირაცია ისეთი ბენდებისთვის როგორებიცაა : Arcade Fire, The Killers და Nine Inch Nails.


მსგავსი სტატიები